Ad Banner
Ad Banner
Ad Banner
Ad Banner

Dogana sekuestron 41 telefona të padeklaruar në Prishtinë

08:38 | 16 Tetor 2025
E.G

Njësitë e Doganës së Kosovës kanë sekuestruar 41 pajisje të reja elektronike gjatë një kontrolli në një subjekt ekonomik në Prishtinë.

Gjatë kontrollit, në bodrumin e objektit është gjetur një kasafortë e mbuluar me pako, në të cilën janë zbuluar telefona të rinj të padeklaruar.

Sipas një postimi në Facebook, në total janë konfiskuar 19 telefona Samsung Galaxy A26 5G, 21 telefona Samsung Galaxy A16, dhe një tablet Samsung Galaxy Tab A9+ 5G. Subjekti nuk ka ofruar dokumentacion që vërteton origjinën e mallit.

Dogana njoftoi se “sekuestrimi është kryer në përputhje me procedurat ligjore, duke u plotësuar dokumentacioni përkatës.

Dogana e Kosovës do të vazhdojë me procedurat administrative dhe hetimore lidhur me këtë rast. Kontrolli i tregtisë ilegale dhe mbrojtja e tregut të brendshëm nga mallrat e padeklaruara mbeten ndër prioritetet kryesore të institucionit”.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm